(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Ум тодӥське бурдоосыз!
Лобо ке — уллё но уллё.
Кырӟа ке — оло, со кайсы,
Оло, шуиськом ни,— ӟиллё.

Чалмыт музейын сылӥсько.
Нюлэс но, возь выл но татын.
Тани кадь чипсэм кылӥськоз,
Пельёс нош, оло, сюсямын.

Уг дырты ай — тодматсконо.
Я кӧня татын бурдоос!
Тани «пульдэм пыд!» — бӧдёно,
Тани — такъяен! — сялберъёс.

Сылӥ, нимъёссэс, вылтуссэс
Ӟечгес тодыны тыршыса.
Соку мон трослы узыргес
Кырӟась тэльёсысь бертысал.

Аслым нош возьыт:
Инкуазьлы
Музей пыр «зечбур!» шуисько...
Я визь луоз азьланезлы!..
Соин... уӵызэс юасько.

– Пие, паймымон, паймымон, –
Пересь
Пилешсэ маялтэ,–
Умой тодӥсько на ай мон:
Уӵы со
Садын ӵыккетэ.