(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Тани вуоз ни, тани вуоз
Пиналызлэн вордскон дырыз.
Югыт нунал кадь юг малпанъёс
Лыкто егит анай доры.

Шудо-буро но таза-чырткем
Мед луысал мусо нуны.
Зарни визьем но кикыем
Мед луысал со улонын.

Ныл ке луиз пичи гыдыкез,
Медло со гуртэз паймытӥсь.
Пи ке луиз зарни бугорез,
Медло со шаерез утись.

Дунне кутымон но дунне утьымон
Кужым солы сётоз анай...
Тани ӟардоз ни вылез улон,
Югыт шудэн улон понна.

 — Тынэсьтыд юнгес шумпотӥмы,—
Анай муртлы шуом соку.
Нош аныкай кадь шумпотэммы,
Зар-зар бӧрдӥм ке но,
Уз лу!