 |
ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ "...Выжыё уго
|
|
|
|
СЮЛЭМЫСЬ СИРПУ Озьы ик кулэ: Бакча сьӧрады ик Сирпу нырулэ. Сылэ, шыпыртэ Кыӵе ке выжыкыл Сое кылзылӥд тон Писпу ышыгын. Сое кылзылӥд но Умой тон валад: Со кыл-куаратэк но Пыриз сюлэмад. Пыриз но луиз Сюлмыдлэн люкетэз. Сюлмыд нош ӧз луы Соин люкытгес. Гуртэд но Шаер Тэризы сюлэмад. Сирпу нош — ӧз ышы! Сӥзьыл со гома, Куарзэ сюлэмад Тылгизьы кадь куштэ. Озьы со вера кадь: — Эн лу сюлэмтэм! Тулыс оскытоз со, Нуныялоз: Кӧня вож куаръёс — Вуоно нуналъес!.. Бакча берады ик Сирпу нырулэ. Тонэн ӵош будэ со, Тонэн ӵош улэ. Нош тӥр шеремын ке Лабрес сирпулы, Тынад сюлэмыд но — Лэчыт тӥр улын! © irinaewdo |