ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                             КУНОЫН

                                 Пионерской отрядмес
                                 Куное ӧтиз
                                 Нюлэс.
                                 Пумитаз кырӟанъёсын,
                                 Паймытӥз юанъёсын:
                                 —    Кыӵе кый
                                 Укыр кышкыт?
                                 —    Малы кыз
                                 Котьку йылсо?
                                 —    Уйёсы лоба урткыӵ
                                 Нош тылобурдо-а со?..
                                 Пумтэм-йылтэм юанъёс,
                                 Пумтэм-йылтэм веранъёс.
                                  —    Кин
                                 Тэльлэн тушмонъёсыз?
                                  — Тыл но,
                                 Тир но
                                 Пычейёс.
                                 —    Кин тэльлэн юрттӥсьёсыз?
                                 —    Бурдоос,
                                Кузьылиос.
                                Ми но —
                                Ӟеч юлтошъёсыд,
                                Эшъёсыд,
                                Юрттӥсьёсыд.
                                — Иське, тӥ
                                Нюлэс дурын
                                Бичады эмъюм турын?
                                Чик ушъяськеммы уг пот.
                                Нош юа ке,
                                Ма карод?
                                Шуиськом:
                                — Озьы.
                               Зэмзэ ми
                               Бичаськом виртурынэз но,
                               Шырбыжез но
                               Бичаськом.
                               Соинтэк-а
                               Нюлэсэз ми
                               «Вож аптека»
                               Шуиськом…
                               Собере ми
                               Намерез но,
                               Эмезез но,
                               Палэзез но,
                               Борыез, льбмез, шуэз,
                               Узыез но верамы...
                               Герамы
                               Соку шуэ:
                               — Усто вылэм...
                                Веръяны!
                                Кылзыса мадемъёсмес,
                                Шумпотэм, лэся, нюлэс
                                Милемлы боры кузьмаз
                                БЫ-ДЭС ТАЗ!