ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                      УЗЬЫГУМЫ

                                   Шур дуре бызьыкумы
                                   Шедьтӥмы
                                   Узьыгумы.
                                   Со ёзо-ёзо вылэм:
                                   Ну, вышкы вылын вышкы
                                   Сяськаез согы выллем,
                                   Зэм, согы вӧзын согы.
                                   Сиыса оскалтӥмы
                                   Пумемын
                                   Узьыгумы,
                                   Пумемын бере будос,
                                   Лэсьтӥмы солэсь насос.
                                   Чиз! пызъе чагыр инме –
                                    Вуюись, ява, пӧрме!
                                    Зэм, юрттэ вылэм!
                                    Бамалын арым будэ —
                                    Ну, кузял маке!
                                    Йӧттӥськод бордаз кидэ —
                                    Куинь нунал паке.
                                    Алигес нош
                                                     паймимы:
                                    Со, пе, зол эмъюм.
                                    Ӟеч сиён но ке уг мын,
                                    Арым ву, пе, ю!
                                    — Собере,—шуэ врачмы,—
                                    Колды нянь сиёд!..
                                    Мыняса ми кылзӥмы —
                                    Шат талы оскод?..
                                    Нош толон ми, юлтошъёс,
                                    Ветлӥмы кыре.
                                    Полынь зын
                                    Нуназеозь
                                    Бичатӥз нырез.
                                    Уж дурын ми — валамон —
                                    Мӧзмисесь ӧвӧл.
                                    Коня арым бичамын —
                                    Ӟеч тодэ ыр тол.
                                    Бертӥмы
                                    Лагерямы?
                                    Жадьыса вуим.
                                    Ну, потэ ук сиеммы!
                                    Ӝӧк сьӧры пуксим.
                                    Ӝӧк сьӧрын ни валамы:
                                    Врач эрекчамтэ.
                                    Зэм, сиён уггес ке мын,
                                    Полынед юрттэ!