ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                Футбол

                                          Ӝытазе — бадӟым шудон
                                           —     Озьыен, пурӟоз тузон!
                                           —     Ки пульдоз ни чабыса,
                                           Вормонлы шумпотыса.

                                           —     Куноос — гуртысь пиос.
                                          Зол шудо меда соос?
                                           —     Map отын сюлмаськонэз?!
                                          Асьмелэнъёсыз — юнэсь!

                                           —     Зэм, соос шуо, вормом,
                                          Тямыс гол, шуо, пыртом.
                                          Эн, пе, куректэлэ туж,
                                          Та шудон, пе...шудон уж.

                                           ...Котькытын вераськонъёс.
                                          Дасямын ни сяськаос.
                                          Барабанщикъёс тӥни
                                          Дымбыр-дымбырто ини...

                                          Нош кызьы ортче футбол?
                                          Куноос пырто вить гол.
                                          Шудонлэн пумаз мырдэм
                                          Асьмеос но...
                                          Асьмелы ик гол пыртӥм...
                                          —     Ай-ай-ай! Пурӟиз тузон!
                                          —     Эх, ӧз удалты шудон.
                                          —     Куноос — гуртысь пиос.
                                         Нош кыӵе шудо соос!

                                          —     Асьмелэн ушъяськизы,
                                         Собере — ӵуштаськизы!
                                         – Кыл вылын — супыльтонъёс,
                                         Уж вылын — небыльтокъёс...

                                         ...Котькытын — вераськонъёс.
                                        Чик уг адско сяськаос.
                                         Барабанщикъёс тӥни
                                         Чуc гинэ кошко ини.