ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                             ШУРА  БАБИКОВ-АСЬМЕМЫН

                              Эшлыко бадӟым семья пушкын
                              Со будӥз, юнмась тыпы музэн.
                              Со кыдаз большевикъёс пӧлын,
                              Соосъя лэсьтӥз вамышъёссэ.
                              Нош вакыт соку вал бугырес —
                              Ӝутӥськиз шудэз понна калык.
                              Шуралы вал дас одӥг арес,
                              Вазиськиз со вань эшъёсызлы:
                              — Кылзэ, эшъёс! Учке, эшъёс!
                              Азьпаламы выль ӟардон.
                              Атайёслы луом кивоштисьёс
                              – Выль ӟардонэз матэктытом.
                              Эшъёссэ люказ со отрядэ,
                              Соосты азьлань валтӥз туж сэзь.
                              Нош кезьыт, пеймыт сӥзьыл ӝытэ
                              Улонзэ кысӥз тушмон узвесь.
                              Героез уг луы виыны,
                              Бабиков улэ асьме пӧлын.
                              Со вакчи, яркыт улонэныз
                              Вазиське туннэ пиналъёслы:
                              — Кылзэ, эшъёс! Учке, эшъёс!
                              Азьпаламы выль ӟардон.
                              Атайёслы луом кивоштисьёс
                              – Выль ӟардонэз матэктытом!