ПУЖЕЙ УЛЛЁ ВЫЛЛЕМ
Ортчиз, лэся, юмшан дырыз
Толлэн-тӧлперилэн.
Берпуметӥ лымы пыры
Пуксяз улвай вылэ.
Тани-тани вож куаръёсын
Быдэс садмы гомӟоз.
Нош мар ай та?
Музъем вылын
Кыллё тополь вайёс.
Я кин малпам? Я кин дӥсьтэм!
— Буйгатскеммы уг лу.
Сюрзэ чигтэм пужей выллем
Сылэ ӵышкем писпу.
Улвай вылысь лымы пыры
Синкылиен усе.
Нош песятай садмы шоры
Пальпотыса учке.
Пересь шуэ:
— Вуэ тулыс.
Берто ни шырчикъёс.
Вылъ сюр потоз пужейёслы,
Ӵышкем тополь пушъёз...
Ачиз пумен сюрес пала
Учке кескич тусын.
Ми пересез умой валам
— Мерттӥм улвайёсыз.
Шунды мыня тулыс инмын,
Шудо шока музъем...
Выль тэль сылоз сюрес дурын
Пужей уллё выллем!