ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                              КЫШЕТ

                                         Песятай келя тэле:
                                         – Выль кышет отын кылле.
                                         Со вылын, мусоосы,
                                         Трос кечсин сяськаосыз...
                                         Вазь тулыс тэле ветлӥм,
                                         Кечсинэн гинэ бертӥм.
                                         Шуиськом:
                                         – Ӧз шедь
                                         Кышет.
                                         Милемыз
                                         Пӧяд
                                         Ке шат?..
                                         Пальпотэ  песятай,
                                         Выльысь со келя тэле:
                                         – Зэм, бадӟым кышет кылле
                                         Со вылын, нуныкаос,
                                         Узыос но борыос.
                                         Ми тэле гужем ветлӥм,
                                         Трос узы-боры ваим.
                                          —    Песятай, Ӧз шедь
                                          Кышет —
                                          Тон, зэмзэ,
                                          Пӧяд
                                          Ке шат?..
                                          Серекъя песятай,
                                          Нош ик со тэле ыстэ:
                                          – Шедьтэ, шедьтэ кышетэз!
                                          Со вылын, гыдыкъёсы
                                          Трос тӧдьы  губиосыз.
                                          Тэль пала сйзьыл шонтим,
                                          Трос губи, ява, октим.
                                          Нош оз шедь
                                          Утчам кышет...
                                           —    Вера ни,
                                           Пояд
                                           Ке шат?!
                                           Горе песятай,
                                           Милемыз тэле чортэ:
                                           — Я, шедьтом
                                           Со кышетэз!
                                           Со вылын, визьпогъёсы,
                                           Трос али... пужыосыз.
                                           Табере ни тол куазен
                                           Нюлэскы лыктӥм куасэн
                                           Вуимы
                                           Нюлэс куше...
                                           А-а-а!..
                                           Тани ук со кышет!