ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                              МУЛЬЫОС

                            —       Лыдъяны секыт-а ма?–
                            Пельпумзэ ӝутъя Кузьма.—
                            Коть уйшор уе тон кос,
                            Лыдъяло мон — коть сюрсозь!

                            —       Озьыен, тон молодец.
                           Молодец ке, лыдъя бен,
                           —       Кӧня меда мульыез
                           Пашпулэн – пуштырезлэн?..

                           Пашпуэз со някыртэ,
                           Пушмульы отысь октэ.
                           Бичаське но лыдъяське,
                          Лыдъяське но бичаське.

                          Ай-яй-яй! Кузьма пӧся —
                          Лыдъяны секыт, лэся!
                          — Ох! — шуэ,—
                          Сураськизы лыдпусъёсы.
                          Нош татын ай
                          Мульыез — дасо кисы.

                          Ньылетӥ классын ке
                          Мон дышетскысал,
                          Ваньзэ,
                                 Ваньзэ,
                                      Ваньзэ,
                                             Ваньзэ
                           Лыдъясал!