ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                  ЧУРЕН-ЧУРЕН

                                             Езъёс кошко чурен-чурен,
                                             Выль иворен соос лыкто.
                                             Шумпотонэн я кайгуэн
                                             Синвуосты ик пызьырто.

                                             Чурен-чурен золтэм сиос
                                             Сюлме пыро кырӟан гурен.
                                             Дыдык кадь гуукто соос
                                             Я жингырто, гырлы сямен.

                                              Ю-нянь ӝужа чурен-чурен,
                                              Вожектыкуз ик шумпоттэ.
                                              Адямилы арысь аре
                                              Улон понна кужым сётэ.

                                              Нош улонын кылбур но вань —
                                              Чурен-чурен кылдэм кылбур.
                                              Со — выль ивор, кырӟан но нянь,
                                              Шӧдтэк шорысь лыктэм шудбур.