ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                      ПЕСЯТАЙ

                                          Котькуд умортоын —
                                                                  шунды кесэг,
                                          Лобасьёсыз но ӟырдытэсь укыр.
                                          Песятае ӵынатыны косэ.
                                          — Мушъёс азьын,— шуэ,— тур-пар эн выр.
                                          Тодматскыны туртто, лэся, мушъёс,
                                          Витен-куатен пуксё киос вылэ.
                                          Ӟечъяськемзэс тодско —соин, луоз,
                                          Визнан пукы кадь дырекъя сюлэм.
                                          Песятае бен дыртонэз уг тод,
                                          Малпаськыса, эскерыса ужа.
                                          Нош азьпалан ай (ку тазьы быдтод?)
                                          Сюлэсь ятыр умортомы гужла.
                                          Ужаммыя песятае лӧптэ:
                                           — Чечы луоз, чебер усем ни мӧль!
                                           Нош тон, внучонок, ужа дыртытэк:
                                           Дыртэм но туж ӝог ужам -
                                                                                         одӥг ӧвӧл,

                                            Ӝыт пал валай: зэмзэ верам пересь, -
                                            Ӧм дыртэ кадь, ужаськеммы бен трос...
                                            Мукет ужын но песятаелэсь
                                            Со кылъёссэ уг вунэт мон, эшъёс.