(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





          ГЫРОН - БЫДТОН

Огдырлы каньыл луэ сюлэм
Гужеме потон нуналъёсы.
Та вакыт ю-нянь будэтӥсьлы —
Кузь сюрес вылын шокчон выллем.

Огдырлы вунэтэмын дыртон:
Киземез ни буй-буй ӝужамын,
Кусоез уг витьы на турын, —
Озьыен, луоз гырон-быдтон.

Озьыен, чебер дӥсяськыса,
Гурт калык потоз ни возь вылэ.
Гужемез со выль кенэз выллем
Данъялоз вӧлмыт кырӟанъёсаз.

...Вашкала дыръя кылдӥз та сям:
Лэсьтыса секыт тулыс ужзэ,
Котькудӥз бадӟым шумпотонзэ
Калыкын, дыр, мадьыны малпам.

Шумпотон ке вань, лобе кырӟан,
Шумпотон ке вань, вырӟе эктон.
Вордӥськиз, улэ гырон-быдтон
Оӵ дурын но калмезъёс палан.

Зӥр-питыр берга Музъем ялан,
Воштӥськиз, выльмиз гырон-быдтон.
Со луиз дэмен ужез данъян,
Со луиз чуказее учкон.