 |
ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ "...Выжыё уго
|
|
|
|
ТОН — УЖАСЬ АДЯМИ Ува районысь «Свобода» колхозысь скал кыскисьлы Е. Т. Малыхлы сӥзиськоКытын ке капчигес, дыр, ужзы. Фермазы но выльгес, эркынгес. Жалемгес, дыр, пудо сиёнзы, Скалъёссы но, оло, йӧлогес. Верало ук: ньыльдон тэль сьӧрын Вань шуръёс, пе, йӧлэн пачылэс. Верало ук: ньыльдон шур сьӧрын Йӧло скал, пе, веньлэсь дунтэмгес. Капчиез нош уг лыкты ачиз. Фермаын дас вить ар ужаськод. Уноез син азяд воштӥськиз. Тон али но ай ӟеч тодӥськод, Кызьы ваньды ведра карнанэн Скалъёслы шурысь ву ӝуткады. Кыскиды но киын. Нош туннэ Агрегат жургетэ скал гидын. Нырысьсэ адӟиды — паймиды: «Ӝынызэ верае, дыр, кельтоз!..» Дышиды. Табере нылпиды но Юрттыса скал кыске ни усто. Шумпотэ сюлэмыд, шумпотэ: Пиналъёс уж борды бинялско. Соос, шуг-секытлэсь кьшкатэк, Гурт ужез гажаны дышетско. Скалъёсты вешало но сюдо, Кунянзэс люктамзы но быга, Оло нош пудоез яратон Соослэн сюлмазы ни сайка. Огшоры кадь та уж. Нош малы Со куре вань сюлэм шунытэз? Отпуске лэзьязы кызёйлы — Арнязэ но ӧд чида ужтэк. Огшоры кадь та уж — скал кыскон. Ужамъяд нош ӟечгес валаськод: Тодонлэсь вордӥське быгатон, Валантэк-а уно йӧл кыскод! Нош улон воштӥське, умоя. Трос вылез лэсьтӥське колхозын: Выль урам ни пуксе Сюрзияд, Выль ферма ни ӝоген пуктозы. Яке выль кормоцех! Кык кузя Дас муртлэсь уногес лэсьтозы!.. Секыт уж но уз кыль, эсьмаса, Ваньмыз ӝог воштӥськиз ке тазьы!.. Верало ук: ньыльдон тэль сьӧрын Вань шуръёс, пе, йӧлэн пачылэс. Верало ук: ньыльдон шур сьӧрын Йӧло скал, пе, веньлэсь дунтэмгес. Тон — ужась адями валаськод: Вераны-мадьыны — со капчи. Шундылэсь тон вазьгес султӥськод, Уж дуре дыртӥськод, Тыршиськод, жадиськод, Выль вормон басьтӥськод. Нош вормон со уг лыкты ачиз! © irinaewdo |