(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





                  КЫЛЪЁС
Кӧня чебересь кылъёс! —
Котькудӥз сюлмад кылёз.

 «Гудыри» шу — гудыртоз,
«Вож шашы» шу — шыпыртоз.

Нош кылъёс — сяська нимъёс
Чеберзэ возьлэсь возё,
Уть-ай, кыӵеесь соос —
«Италмас» я «инвожо».

 Сюлмысь гажаса, вылды,
Нималлям бурдоосыз:
«Туливить» но «кырдыдык»,
«Тюрагай» но «ваёбыж»...

Жингырес удмурт кылъёс,
Тӥ азвесь выллем чебер.
Нош вань на зарни кылъёс:
Нянь,
            анай,
                    вордскем шаер.