ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                       АТАЙ

                                                                Ф. Васильевлы

                                           Улонам писпу мерттӥ ке,
                                            Куать сэрго корка пуктӥ ке,
                                            Будэтӥ ке сэзь пиме, —
                                            Адями шуо асме.

                                             —      Нош атай писпу мерттӥз-а?
                                            Вералэ, гурт калыкъёс.
                                            (Шып сыло гурт калыкъёс)...


                                            —      Атае корка пуктӥз-а?
                                           Вералэ, воргоронъёс.
                                           (Мур лулзо воргоронъёс)...

                                            —      Нош пизэ со будэтӥз-а?
                                           Вера ай мыным, анай.
                                           (Синвузэ чуше анай)...

                                            —      Атаед — ожын быриз со,
                                           Вань тэльёс ӝужан понна,
                                           Вань юртъёс сылон понна,
                                           Вань пиос будон понна.