(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Атай пуктэ ке пельпумыз вылэ,
Соку ик луиськод тон кужмогес.
Кышкан-курдан но син куспын вунэ,
Ачид тон исаськод ни ӟазегез.

Пельпум выллем оскымонэз ӧвӧл
Номыр ӧвӧл— туж ӟеч мон тодӥсько,
Эшъёсылы бадӟым вожъяськонэз
Сюлмам  пичи дырысь мон возисько.

Со шудоос вунэтӥзы ни, дыр,
Бубызылэсь мусо ӝутылэмзэ...
Пельпум вылэ ӧз пукта пичи дыр —
Война ӧз берыкты ни атаез.

Нош кыӵе ӟеч атай пельпум вылын!
Пие, эн курда! Юнме шурдӥськод.
Тани сюрес кузя мыном шаплы.
Мед мынэсьтым кыдёкегес адӟод.