(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





                   КАЛЫК   ГУР

Дунай шурлэсь мурдалазэ кин мертам?
Йыр йылозь-а я мургем-а со луэм?
Гурт калыкелы вера мӧйы солдат:
Мисьтӥськи но пыласьки, пе, со вуэн.

Дунай дурысь калыкъёсты кин адӟиз?
Кырӟало-а, эктыло-а со палан?
Солдат вера: устоесь, пе, —со ачиз
Соосын ӵош эктылэм но кырӟаллям.

Дунай вадьсын кыӵе гуръёс вӧлмыло?
Данъяло-а ӟеч ужез но гажанэз?
Солдат вера: котькычезэ кырӟало,
Нош тужгес ик данъяло, пе, эшлыкез—
Данъяло но дунъяло, пе, эшлыкез.