ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                             УМОЙ ЛУОЗ

                                                           Вордскем музъем!
                                                           Солдат вещмешокен
                                                           Пиед кошке...
                                                           Лыктӥ  мон  ошмесэн  люкиськыны.
                                                           Ожо вылэ пукси.
                                                           Каньыл шокчи:
                                                           — Умой!
                                                           Вадьсам инбам ас чагырзэ возъям,
                                                           Нош котырак —
                                                                                       шыпыт.
                                                           Музъем гинэ каллен шока,
                                                           Чылкыт ошмес гинэ жильыр пӧзе.
                                                           Умой!..
                                                           Тазьы ик луыны кулэ.
                                                           Мон кошкисько.
                                                           Солдат пиез будэтэмед понна
                                                                                          тау, музъем-анай!
                                                           Нош гурт калык келя кырӟанъёсын,
                                                           Оскон кылъёс вера.
                                                                          Пумитазы пальпотӥсько:
                                                            — Ваньмыз умой луоз!
                                                            Калык вала,
                                                            Калык оске —
                                                            Тодэ ук со:
                                                            Ожын бырем муртлэн пиез кошке
                                                            Солдат вещмешокен.