(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Инбаме веськрес кызъёс ялан ӝутско—
Со понна ик соослы синмаськисько.

Музъемез инмен герӟась сиос выллем
Жин жингыртыса сыло веськресъёсы...
Нош пипу гужлась ву ӧр вамен выдэм,
Котмиллям-ӵужектӥллям вож   куаръёсыз.

Номыр но бз воштӥськы бадӟым тэльын,
 Вож пипу гинэ усиз но выж луиз.
Бен тазьы ик, дыр, Матросов но бойын
Улонзэ сётӥз но эшъёссэ утиз.

Асьмеос но учкиськом ӝужыт инме,
Шундыез но улонэз гажаськомы.
Нош кулэ ке — быръёмы огзэ гинэ!—
Со сярысь пичиысен тодӥськомы.