(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Воткинской ГЭС-ын ужась Мойсов кадь ик луыны тыршомы...»
(Пиналъёслэн сочинениысьтызы)

Кезьытсэ-пӧсьсэ монтажник
Трос адӟем ини, тодэ.
Огшоры гинэ чотам ми
 Дасэтӥ ГЭС-эз лэсьтэ.

Нош тазэ ӝоггес вуттом но,
Выль ГЭС-э выжо ни, пе.
Учкисько но паймисько мон:
Кыӵе со ӟырдыт маке.

Нош уг тоды со, уг тоды,
Кызьы Люгаысь пиос
Тетрадьёсазы гожто ни
Со сярысь дано кылъёс.

Ӧз но малпа со одӥг но
Кинэ ке паймытыны.
Нош пиос гожто: будӥм ке,
Мойсов кадь ик луомы.

Учкисько ке —туж умой со!
Шумпотто шуныт чуръёс. —
Вань монтажник Паша Мойсов,
Вань будӥсь кивоштӥсьёс.