(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Кузь сюрес вылэ басьто мон
Пужъятэм удмурт ӵушкон.
 Мӧзмыкум киям куто но
 Ӵушконме учко, учко.

Ӵушконэ чылкыт но юг-юг  -
Чылкак пыр-пыр тӧдь лымы.
 Порпиос ыбылыку, со
 Бакчаын гужатэмын.

Нош пужыоссэ учки ке,
Син азям гуртэ пуксёз:
Сяськаясь чагыр етӥн но
Вож нюлэс тодэ лыктоз.

Ӵушконэ, сузэр сямен ик,
Чыртыям но ошиськоз.
 Вордӥськем анай сямен ик,
 Бамъёсме но маялтоз.

Анайме тодам вайи ке,
Мӧзмонэ но кулэсмоз.
Ӵушконлэн мукет пумыз кем
Вордӥськем гуртэ луоз.