(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





              СЮРЕС

Шоссе ӵошкыт тыбырыныз
Зӥрӟоз дыртӥсь питранъёсты.
Ӝоггес тыршоз со келяны
Сюрес вылэ потэмъёсты.

Ӝоггес, ӝоггес, ӝоггес кулэ!
Ӝоггec! Витё кысык ужъёс.
Лобись питранъёсты улэ
Шоссе дугдылытэк ыбоз.
 
Сюрес кык уж куспын кылле,
Кылле кык сюлэмъёс куспын.
Сое выжыкылын выллем
Ортчы вылэм секундъёскын.

Нош сюреслэн ӧвӧл пумыз.
Соин ик со дырдэ жаля.
Ӵошкытэныз, шонереныз
Тонэ азьлань, азьлань келя.

Кытӥ берытсконын гинэ
Машинаез калленатэ,
Лудэз, шурез, тэлез, инэз-
Суред вылын кадь возьматэ:
—Пайме дуннелы!