(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Ог лёгем сюрес кузя
Мынысал но мынысал.
Витьымтэ шорысь азям —
Марасан.

Учконо ке, гурт но гурт кадь,
Нош нимыз — югыт кырӟан..
Марасан, кызьы кылдӥд тон?
Паймытӥд но шумпоттӥд тон,
Марасан.

Табере тынад нимыд
Ымдурысь уг кошкы.
Табере мукет кылын
Мон сое уг вошты.

Табере мынам аслам но
Чебер кыл малпам потэ.
Табере мынам аслам но
Чебер уж лэсьтэм потэ.

Со ужме кин ке адӟиз ке,
Мед паймоз но шумпотоз.
Чеберлы огпол паймиз ке,
Сюлэмыз но чебермоз.