ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

         ТУЛЫС
Сэзь чечегъёс
Кузь быжъёсын шуккизы но
Вырӟытӥзы тудвуэз.

Сьӧд куакаос
Сьӧд бурдъёсын шонтӥзы но
Сьӧд музъемез усьтӥзы.

Тюр-тюрагай
Жин-жингырес омырен
Весь гылъялля чыртызэ —
Кылзы, кыӵе кыдёке
Шуккиськылэ куараез.

Нош огшоры пислэгед
Юнме тырше вал
Кенӝытыны зарезез.
Кызьы-о со
Возьёсмылэсь зарезьзэс
Кенӝытыны быгатэм? —
Ваньмыз гома вож тылын!..

—       Та выжыкыл-а? —
Юаськомы шырчиклэсь.

—       Бен,— со шуэ асьмелы
Та — выль тулыс.