(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Кӧня синъёс шорад учко
Тэльын ветлон дыръяд!
Тыныд уг оско, палэнско —
Пӧйшур уг пот азяд.

Пеймыт ягысь пичи шурен
Тодмо тон кемалась...
Туннэ вазид эшед музэн,
Нош со тыныд ӧз вазь.

Зэмзэ, ӧз тодма со тонэ —
Коть кошкы ни ягысь!
Со йӧ улэ кылем туннэ —
Солы шат тон янгыш!

Чиля кышкась пӧйшур сямен
Я учкы чеберзэ!
Нош йӧ векчи —дораз уд мын,
Уд веша тыбырзэ.