(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





                КЫЗЬПУ

Тӧдьы кызьпу — нодтэм ук со, нодтэм!–
Малы меда меӵ ярдуре лыктэм?
Малы югыт тэльысь, ой, пегӟыса
Султэм, угыоссэ ошылыса?

Пегӟем нылзэ дораз ӧте нюлэс.
Уг кылзы ни кызьпу анаезлэсь.
Чебер возез потэ, пе, адӟеме,
Визыл шуре потэ, пе, учкеме.

Тодэ кызьпу: веськрес уд лу кырын,
Озьы ке но, шулдыр сылэ татын.
Оске, луоз: куке но со вӧзы
Чебер вож кызьпуос ӝутӥськозы.

Али огназ будэ меӵ ярдурын,
Тӧлэн но, зоръёсын но жугемын.
Со шурдытэк учке визыл ӧре.
Сылэ кызьпу — мынам вож сузэре.