(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





СӤЗЬЫЛ 
          Триолет

Сӥзьыл сяськаосты кысэ,
Курыт мӧзмон тыныд вае,
Вӧтад вае ортчем маез.
Сӥзьыл сяськаосты кысэ,
Кезьыт толлы сётэ кизэ.
Кыӵе сюлэм витёз тае? —
Сӥзьыл сяськаосты кысэ,
Курыт мӧзмон тыныд вае.

Лымы усе — мылкыд капчи
Ваньмыз югыт но валамон,
Сюлмад выльысь улӟе оскон.
Лымы усе — мылкыд капчи.
Мӧзмон пумен луэ пичи,
Сое ворме ини оскон.
Лымы усе — мылкыд капчи,
Ваньмыз югыт но валамон.