(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





КЫРӞАНЪЁС   БЕРЫТСКОЗЫ

Куаръёс бӧрсьы
Чирдэм гуръёс но
Тӧлӟизы.
Кезьыт кырӟанэныз
Калге лек тол гинэ.
Небыт тӧдьы дӥськут,
Чилясь лымы изьы
Сӥзьыл инкуазь
Данъяськыса дӥсяз туннэ.

Дунне югыт!
Нош малы ке
Мӧзме сюлэм
Шуныт пала
Кошкем-ышем кырӟанъёслэсь.
Ӧвӧл шырчик шулам,
Ӧвӧл кикы силем.
Кылзом, вылды, ни
Табере
Кезьыт тӧлэз.

Шуак:
— Пинь-пинь!
Учки: пислэг... кырӟам каре.
(Ум адӟиське сое гужем
Уӵы вӧзысь.)
Туннэ бен со —
Шуныт тылси кезьыт дыре —
Мыным вераз кадь:
—   Кырӟанъёс берытскозы.