(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Гужем тӧри валэз музэн
Вешад кужмо Вало шурез.
Тӧдьы изнэсъёсты сямен
Тугад тулкымъёссэ солэсь.

Нош тол кезьыт вамышъёсын
Лыктӥз но лек кузёяське.
Выль йӧ капка Вало вадьсын
Кыкнапалтӥ ни пытсаське.

Лыктӥд, адӟид кӧлись шурез -
Ӧд тодма тон вуж тодмодэ.
Ачиз ӧвӧл ни — изнэсэз
Йӧос куспын чиля, пиштэ...

Вуоз дырыз —кыӵе пытсэт
Сайкась кужымъёсты возёз!
Сэзъялтӥськоз Вало шуред —
Пазьгиськозы йӧ шелепъёс.