(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Тон пыжъёс лэсьтылӥд.
Нош лэсьтэм пыжъёсыд
Выжыкыл шаере
Вуизы-а?
Вайизы-а тыныд
Тыл тылобурдолэсь тылызэ?

Со тылы — синпӧртмась.
Со тонэ ву нылэн тодматоз,
Вӧлдэтэ ӝуатоз кизили,
Гондырлы берыктоз пилемез.

Шат уд тодӥськы
Со тылыез?!

Сыл ай, сыл,
Оло нош юрттыны быгато:
Пичи дыр шаере
Синпӧртмась тылыез утчаны
Дасяське берпуметӥез пыж.
Нош уг тодскы огзэ:
Басьтозы-а тонэ со пыже?..