(1943 - 1989)

Удмурт кылбурчи, журналист

ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ



                             "...Выжыё уго
                             Луэме потэ.
                             Выжыед ке юн,
                             Му золгес кутэ..."

                                                            В. Романов





Уг тодӥськы, ку синмаськи тыныд.
Тодско:
Дорам лыктӥд тон конспектэн,
Валэктыны косӥд.
Мон йырберме кормай,
(Сыӵе сямы — созэ тон тодӥськод)
Кутски валэктыны.
Тырши.
Пӧсяй.
Мади малпанъёсме но, лыдӟемме но.
Ачим пайми: «Ах, кыӵе мон философ!» —
Сыӵе усто соку мон валэктӥ.
Нош тон шуид: «Мон номырзэ ӧй вала».
Выльысь кутски.
Эшшо золгес пӧсяй.
Я кин талэсь ӟечгес валэктысал на! —
Нош тон шуид: «Мон номырзэ ӧй вала».
Вить пол-а, уногес-а валэктӥ —
Ялан кылӥ: «Мон номырзэ ӧй вала».
Бӧрысь гинэ тынад мынямедъя,
Тынад шудо синъёсыдъя
Шӧдй:
Нылмурт сюлмын соку валад тон ваньзэ,
Нош мон — философ — номырзэ ӧй вала.