ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                                     МЫНАМ ТУЛЫСЭ

                                                            Шумпотонэн
                                                                            гадь тыр мон шокасько:
                                                           Чагыр тулыс лыктӥз шаерамы.
                                                           Ӟечкыласько сое, пумитасько
                                                           Нюлэс шорын, солдат лагерямы.
                                                            Тулыс уг тод уждэ, сюлмаськондэ
                                                            Кудӟытымон секта омыреныз.
                                                            Тылобурдо кырӟан ӵуклы быдэ
                                                            Сайкатылэ  кӧлӥсь  солдатъёсыз.
                                                            Ваньмыз ӝужа. Егитоме нюлэс.
                                                            Тулыс ик яратон, пе, вордӥське.
                                                            Созэ ӧйтод. Сӥзьыл гажам ныллэсь
                                                            Гожтэтъёссэ шудэз кадь витисько.

                                                             Дуно тулыс! Егит куараостэ
                                                             Пыӵал тачыртэмен ке сӧриськом
                                                             Вождэ эн вай,
                                                                               сяськаяськись тустэ,
                                                             Чебер кырӟанъёстэ ми утиськом.