ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                              НЫЛМУРТ КЫРӞАН

                                                                Тыр толэзь чебер, чебер но
                                                                Мӧзмонэз со бугыртэ.
                                                                Табере тон чаль уд берты,
                                                                Чаль уд ву асьме гуртэ.

                                                                Тупалан-а, та палан-а
                                                                Нылъёсты арган ӧте.
                                                                Нош мынам сюлмам тон ялан,
                                                                Мусое, ой, солдатэ.

                                                                Мон сярысь али малпад-а? —
                                                                Саламдэ вера толэзь.
                                                                Шаермес бен утьыса, тон
                                                                Утиськод яратонмес.

                                                                Шудонэ туннэ уг ветлы.
                                                                Весь лыдӟо гожтэтъёстэ...
                                                                Тыр толэзь чебер, чебер но,
                                                                Сюлэмме со                                 вырӟытэ.