ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                       ВУЖ ПЛАКАТ

                                                   Нош со
                                                                      улэ!
                                                   Уг сётскы
                                                    Зоро сӥзьылъёслы... 
                                                    Адӟи. Аслым ӧй оскы.
                                                    Гордэн: «Няньмес —фронтлы!»

                                                   Плакат вужмем, тӧлам ни,
                                                   Ыштэм ни яркытсэ.
                                                   Паймоногес кадь, малы.

                                                   Ӧз куштэ ни сое?

                                                   ...Нош мон уг паймы ноку.
                                                   Комбайнъёсмы гужем
                                                   Бусыетӥ мыно ке,
                                                   Атакае музэн.

                                                   Умой тодском созэ но:
                                                   Туннэ ужъёсамы
                                                   Азьлань ветлэ, уг безды
                                                   Тыл пыр потэм флагмы.