ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                КЫЛЪЁС

                                             Кылъёс уно.
                                             Нош малы ке ӵемос
                                             Пӧртэм  кылбуръёсысь адӟылӥсько:
                                             Чуръёс пумын «андан», «ю-нянь» кылъёс
                                             Дуно агай-вынъёс кадь пумисько.

                                              Кылъёс уно.
                                              Поэт шедьтысалыз
                                              Мукетъёссэ, эшшо чеберъёссэ.
                                              Нош со малпаз улон, шудбур сярысь.
                                              Малпаз —  
                                                                      кельтӥз шедьтэм рифмаоссэ.

                                               «Андан кыда!»—жингыр вазё кылъёс.
                                               «Зарни ю-нянь...» — кырӟан кадь кылӥське.
                                               Калык сюлмын валче уло соос —
                                               Кылбур чурын но
                                                                                юн валчеясько.