ТОДМОТЭМ ГУРТЫН
Ноку, ноку адӟымтэ инты,
Нырысьсэ вуи мон та гуртэ.
Та дырозь ӧй вал бере татын,
Мон понна со чылкак тодмотэм.
Юртъёссы огез но тӧдьмамтэ,
Ми гуртысь уд адӟы сыӵезэ.
Таослэн шурзы но тымымтэ —
Ток изӥськытэ, дыр, вукозэс.
Милямлэсь бадӟым кадь та село,
Тусызъя со - гуртмылэсь пӧртэм...
Нош татын но льӧмпуос сыло,
Гуртамы кадь, трактор гуретэ.
Нош татын но гуртамы сямен
Будэто бусыосын ю-янь,
Сӥзьыл пал ваё чебер выль кен,
Туж шулдыр, пе, лэсьтыло сюан...
Но ураме пото,
Нянь сярысь, улон сярысь соос
Куспазы кенешыса пуко.
Пуксисько мон соосын артэ,
Вераськоназы но пырисько.
Нырысьсэ вуи мон та гуртэ,
Нош вынъёс пӧлын кадь поӥтсько.
Тупало милям малпанъёсмы,
Сюлмаськонъёсмы уг быро чик.
Пӧртэмесь ке но селоосмы,
Улонмы но шаермы —
одӥг!
