ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                              МУСО БУСЫ

                                                              Туннала кырӟанъёсы
                                                              Тон сярысь, колхоз бусы.
                                                              Учкисько но паймисько:
                                                              Инвисозь тон вуиськод.
                                                              Зарниям йырсиостэ
                                                              Тол мусояса выртэ.
                                                              Сюлэмын улэ кырӟан кадь
                                                              Шепъёсын шыпыртэмед.
                                                              Чеберед понна ик дан тыныд потэ ни вераме!
                                                              Луысал шат калыктэк
                                                              Узырез бусымылэн?
                                                              Бен соин, вылды, артэ
                                                              Соосты пуктэ сюлэм, —
                                                              Кык Быдӟым ужасьёсты,
                                                              Мыным шуд сётӥсьёсты...
                                                              Калыклы но бусылы —
                                                              Сюлмысьтым кырӟанъёсы.
                                                              Мон тынад пиед, Калык,
                                                              Мон тынад пиед, Бусы!