ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                        ШУМПОТОН

                                               Со мылкыдэз мон ӵошато
                                               Кылбуръёсысь нырысь чурен.
                                               Нырысетӥ чурме  ке шедьтӥсько,
                                               Быдэс дунне выльме;
                                               Сюлэм нош йыгаське золгес,
                                               Выльзэ шодэ вордӥськонэз —
                                               Кылбур кылдэ.
                                               Пичи дыръям
                                               Бакчаямы мерттӥ писпу —
                                               Шумпотӥ.
                                               Школа садын мерттӥ писпу —
                                               Шумпотӥ.
                                               Эшшо золгес валай шумпотонэз
                                               Колхоз бусыямы,
                                               Куке мон жадьыса бертӥ,
                                               Кыэз но, нюламез но гылтытэк,
                                               Жоггес выдӥ.
                                               Нош уйвӧтын адӟи,
                                               Кызьы быдэс пӧрми нюлам вулы;
                                               Асьме киын кизем,
                                               Асьме киын октэм ю-нянь зынын пыӵай.
                                               Ӵуказеяз шӧдӥ:
                                               Уйвӧт ӧй вал со!
                                               Со – дэмен ужмы понна шумпотонэ,
                                               Со – ӟег нянь кадь кулэ,
                                               Нюлам ву кадь дано,
                                               Синкыли кадь чылкыт мылкыд
                                               Пыриз улонам,
                                               Кызьы нырысь чур
                                               Кылбуре пыре.