ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                   Улӥз.
                                                   Ужаз.
                                                   Сӥ-дан сярысь
                                                   Куке огпол малпаз меда?
                                                   Туннэ бен витьымтэ шорысь
                                                   Медаль.

                                                   Татьяна Павловна шуо.
                                                   Сое отё сцена вылэ.

                                                   Маке янгышазы, луоз
                                                   Шат со таӵе данлы сылэ?–

                                                   Нылкышноос сямен ик, со
                                                   Ялан ветлӥз, кытчы косо.

                                                   Нош собере кызьы меда
                                                   Ужтэк улыны быгатод?
                                                   Мулэсь, ужлэсь ке тон муртад,
                                                   Кызьы калык азе потод?
                                                   Бен со мунё кадь луыса
                                                   Поталлялоз вал шудонэ,
                                                   Кезьё  айшет керттылыса,
                                                  Сьӧд льӧм кадь чиль сьӧд дэля
                                                  Азвесь чуко, зарни туго
                                                  Шальзэ али но керттысал —
                                                  Тужгес дыртытӥзы уго:
                                                  Люкаськеммес, пе, витьыса,
                                                  Клубын карысь муртъёс пуко...

                                                  Кыӵе возьыт ни табере!..
                                                  Нош лыктэмъес пӧлысь огез
                                                  Медаль сётэ но тау каре —
                                                  Чабем куара ваньзэ core!

                                                  Ma вераньы ӧз ни вала,
                                                  Сцена дуре Такъян пумиз.
                                                  Аслаз гурт калыкез пала
                                                  Сюрмем кизэ гинэ мычиз.