ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                              ВЫЛЬ ШКОЛА

                                         Тӥр шӧдэ кибашлы муртэ,
                                         Со киын чиляса шудэ.
                                         Лэсьтӥське, ӝутиське юртэ -
                                         Школае лэсьтӥське, будэ.
                                         Картуззэ-липетсэ изья,
                                         Чиляло пияла синъёс...
                                         Эркынэсь, югытэсь, лэся,
                                         Луозы табере классъёс.
                                         Пиналъёс ӵукысен ӝытозь
                                         Бергало:
                                         — Ми но выж вӧлдом!
                                         Пальпото лэсьтӥськись муртъёс:
                                         — Кызьы ке асьмеос тыршом.
                                         Кибашлы муртъёсты выль юрт
                                         Ӝутскемъяз вылэгес ӝутэ:
                                         Мед адӟоз, мед тодоз, пе, гурт,
                                         Кин выльзэ школаез лэсьтэ.