ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                              ВИИЗЫ

                                              Лобазы луӵӧжъёс, лобазы,
                                              Ас шудзэс, выль карзэс лэсьтыса.
                                              Оскизы: ӵӧжпиос сьӧразы
                                              Ӝутскозы, бурдъёссэс шонаса.
                                              Нош тани -
                                              Ӵук   ӟардон   буяськем   кадь   вирен:
                                              Мусоез, айы ӵӧж, табере
                                              Уз ни лобы, уз ву каразы —
                                              Виизы!
                                              — Виизы!—
                                              Куректӥсь бурдолэн куараез
                                              Ныж пуртэн кадь вандэ сюлэмез...
                                              Сьӧд узвесь мумызэ но сутӥз.
                                              Ӵӧж усиз ук, усиз ук изэн.
                                              Берпумзэ  шур  пыдсы  ик  зымиз —
                                              Шашые куртчиськем но измем.
                                              Виисьёс кошкизы. Табере
                                              Ӵӧжъёслэсь арама мӧзмылэ.
                                              Сирота ӵӧж пузъёс котыре
                                              Синкыли кадь лысву усьылэ.