КУИНЬ ШУНДЫОС
Кытын вордӥське шунды?
Нюлэскын ке шуиды,
Кӧня ке сураськоды.
Возь вылын ке шуиды,
Выльысь янгышалоды
Тыметын ке шуиды,
Нош ик янгышалоды.
Зэм но
Кытын вордӥське шунды?
Мон кылӥ одӥг гуртын:
Со вордске паськыт лудын.
Со ӝужа зарни сиен,
Со кисьма зарни тысен.
Собере вуэ юртэ,
Паськыт ӝӧк вылэ выдэ.
Со — кема витем шунды.
Со — ческыт ӟег нянь колды.
Сие — кужмо луоды
Мон кылӥ на городын:
Со вордске, пе, заводын.
Ужасьёс сое лэсьто,
Вань сюлэм пӧсьсэс сёто.
Собере дырды кузя
Со тылсиоссз пазя,
Мартенын усто кыдам.
Нош нимыз солэн — андан.
Нош соиз — быдӟым шунды,
Котьмалэсь югыт шунды —
Кытын вордске, шуоды?
Со вордске зарезь дурын,
Ӵапак странамы пумын.
Со тубе, тубе выллань,
Со лобе, лобе азьлань.
Тупаса улон сярысь
Со кырӟа мылысь-кыдысь.
Ӟеч сюлмаськоно милем:
Шундымес
Медаз сайя ож пилем!
