ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                   МАЙ ВУИЗ!
                                          Арлэсь кузьгес вал таиз тол!..
                                          Кыӵе кема возьмай:
                                          Ох, ку лыктоз но шулдыртоз
                                          Бакчаосмес выль май?

                                          Чигиз ини бурез но куас,
                                          Чигиз ни чиданэ,
                                          Нош куать толэзь ӵоже инкуазь
                                          Ӧз шумпотты монэ,

                                          Улвайёсты секыт йӧкур
                                          Яке лымы зӥбе...
                                          Нош мон сӥзьыл мерттӥ шупу
                                          Ненег ай со, лапег.

                                         Ой вунэты мерттэм куакме
                                         Кезьыт сильтӧл дыръя.
                                         Сое, пичи вынме сямен,
                                         Небыт мон шобыръяй.

                                         …Туннэ –  шунды.
                                         Туннэ – шуныт.
                                         Ӵук тӧл мусояське.
                                         Шупу векчи вайёсыныз
                                         Бордам ӟыгыртӥське.