ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                            ЭШЪЯСЬКЫТӤСЬ    БЕРИЗЬ
                                             Оӵ шур дурын чебер будэ
                                             Эшъяськытӥсь беризь.
                                             Пумиськытэ,
                                             Тодматскытэ
                                             Туж вашкала дырысь!
                                             Шуо, татын пумиськиллям
                                             Гаян но Пугачёв.
                                             Салаватэз но ӧтиллям:
                                             Чечы зынзэ шокчом!
                                             Уго, эрик сярысь малпан
                                             Чечы кадь ик ческыт.
                                             Кенешомы Оӵ тупалан,
                                             Вамыштомы йыгмыт.
                                             Чуваш,   бигер  но  пор   гуръёс
                                             Татын чузъяськиллям.
                                             Ӵотэз ӧвӧл, кӧня кылъёс
                                             Татын эшъяськиллям.
                                             Шудбур но эшъяськон сярысь
                                             Малпан огазея.
                                             Лабрес, эшъяськытӥсь беризь
                                             Туннэ но сяськая.
                                             Лабрес удмурт беризь улэ
                                             Мон эшъёсме люкай.
                                             Дэмен крезьгураны кулэ,
                                             Куке сюлмын юг май!