ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                            НИМТЭМ

                                                        Адями
                                                        Ыштэм
                                                        Нимзэ...
                                                        Ма, зэмзэ шат?
                                                        Шат зэмзэ?!
                                                        Таӵеез луэ шат!
                                                        Ну, шуом, кудзэ-огзэ,
                                                        Муспотон внуксэ музэн,
                                                        Пересь мурт уг веша.
                                                        Я нэнэ нуныезлы
                                                        Вордӥськем нуналэзлы
                                                        Зарни час уг басья...
                                                        Нош классысь пияшмылы
                                                        Ваньзы, ваньзы огкылысь
                                                        Нимыныз уг вазё.
                                                        Эрекчаз
                                                                   эшсэ,
                                                                             классэ.
                                                        Map вите сое ассэ —
                                                        Ӧз ик малпа чик но.
                                                        Ним нош сир кадь нянязы,
                                                        «Алданчиев» нимазы —
                                                        Чида ини, чида!
                                                        Нош аслаз нимыз вунӥз.
                                                        Тэшкыли быдӟа выныз:
                                                        Зэм, пе, Алданчи та.
                                                        Собере выжыятэ:
                                                        Тон, агай, та выль нимдэ
                                                        Кытысь,   пе,   шедьтӥд   ай?.
                                                        Со мыжга ини гадяз:
                                                         —  Мон — Петыр ук!
                                                        Мон — Петя!
                                                        Алашеев Пётр!
                                                       Но уг оско ни солы
                                                       Меӵак верало аслыз:
                                                       —  Нош ик пӧяськод, дыр!