ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                                  «ЖУГИСЬКИСЬ»

                                                 Тон шуиськод:
                                                 «Флор — жугиськись».
                                                  Тон ватсаськод:
                                                 «Ачиз кутскиз...»
                                                  Верамедлы уг оскиськи —
                                                  Сое ай тон уд тодӥськы!
                                                  Нош толлозэ,
                                                  Нош толлозэ
                                                  Тон вунэтӥд оло,
                                                  Кызьы   лӧпшам   душес   музэн
                                                  Вуиз Шача Кирло.
                                                  Тамараез со бӧрдытӥз —
                                                  Кыскиз ук йырси пунэттӥз.
                                                  Нош пияшъёс востэм сыло,
                                                  Тодо:
                                                  Йӧттоз Шача Кирло.
                                                  Флормы   быгытэныз   уг   шуд
                                                 «Мон ваньдылэсь кужмо» уг шу.
                                                  Озьы ке но, Кузь Кирлолы
                                                  Кеськиз:
                                                  — Кидэ эн йӧттылы!
                                                  Соиз пуштӥз:
                                                  — Тон ма?!
                                                  Тон — пыӵ!
                                                  Бугро пушкысь
                                                  Али ик — кыш!
                                                 Нош Флор солэсь ӧз кышка
                                                 Йӧнъяськисьлы шедиз.
                                                 Шача Кирло урткыӵ кадь,
                                                  Бугро ултӥ пегӟиз.
                                                 Тон шуиськод:
                                                 «Флор — жугиськись.
                                                 Сыӵе со!»— шуиськод...
                                                 Нош мон
                                                 Туж вашкала дырысь
                                                 Флорен эшъяськисько.