ТУБИСЬКО, ТУБИСЬКО
Мон тубисько ӝужыт кызэ
Лыз пилемъёс доры.
Ӵужанае азьчиньызэ
Сэзъя ни мон шоры.
Солы йырме мон шонасько
Ачим нош
Ялан тубисько.
Шурдон сярысь вунэтӥсько
Кызэ ке тубисько.
Татын умой ни шӧдӥсько,
Кызьы мон будӥсько.
Кыз
Мон понна — ракета кадь,
Сое энерасько йӧскадь.
Ӵошатскыса ӝужыт кызэн,
Инме ӝутске бадяр,
Вить чиньыё кизэ музэн,
Мыным мыче вож куар.
Солэсь кизэ мон кырмисько
Эшен кадь
Ӟечбуръяськисько.
Тӥ мон понна эн кышкалэ —
Мон вылэгес тубо на.
Тӥ мон понна эн кышкалэ —
Соку уг курда мон но!
