УТЕ ТӦДЬЫ ДЫДЫКЕЗ
Тупаса улонлы сӥзем ярмаркаос ортчытъясь пиналъёслы сӥзисько
Пионерской ярмарка —
Map мар ке со?
Map мар ке?!
Со —
123 шумпотэм пиналъёс.
Со —
55 бырйиськись кенакъёс.
Со —
Вузкарон,
Басьяськон...
Со сяна,
Со —
11 кушетскем песянай.
Учкелэ,
басьтэлэ,
шумпотэ чош,
Map даурто,
быгато
пиналъёс!
— Кинлы — кушман?
— Кинлы — карнан?
— Кинлы — сяртчы?
— Кинлы — чечы?
– Кытысь чечы?
— Ма ӧд кыл-а, Педча,
Школаязы
Усьтӥзы
муш бакча...
— Э-э, ичимень,
Мон басьто ай ревень
— Мон синйылтӥ, ява, керттӥськон вень.
— Лӥялгуби-а
Тӥлед кулэгес?
Коньыгуби-а
Яра нюртэмез?!
Нош песянай
Пумитам кудозэ,
Ну бен ушъя ук
Басьтэм кубозэ:
—Та чибори эрвалэз кыткыса,
Вань родняме кутчало, эсьмаса.
Кырӟантэк-а,
Верантэк-а
Ярмарка ортчоз?!
Вера — экты,
Вера — экты!—
Шумпотон тудӟоз...
Жадиды-а?
Чале!
Чаль!
Быректӥз ини выль чай —
Пыш-
турынэн,
Вир-
турынэн,
Кинлы кулэ ке — куасьтэм эмезен!
Вареннязы —
Борылэсь-узылэсь.
Ярмарказы —
Базарлэсь узыргес!
Котьма — татын.
Котькинлы — вань:
Пӧсь перепеч
Зыретэн пӧсь табань.
Быръелэ,
веръялэ,
паймелэ чош,
Мар даурто, быгато пиналъёс
Пионерской ярмарка –
Котькинлы ярась мар ке!
Манетъёссэс нош
Кытчы карозы?
Ма, ветлозы, дыр,
Вотам каразы.
Арганчилы
Басьтозы выль арган,
Нылашъёслы —
Эк-ты-тӥсь пыдкутчан!..
Нош одӥгез
Монэ юн шумпоттӥз:
Йӧн-йӧн ужез ни
Вала дышетскись,
Одно утёз со
Тӧдьы дыдыкез.
Котьку ик
Мед люкалоз
Калыкез
Ярмарка,
ярмарка,
ярмарка!
