ВЛАДИМИР РОМАНОВЛЫ СӤЗЕМ ВИРТУАЛЬНОЙ МУЗЕЙ

                                              Анаелы                                

                                Пичи дырме тодскод на-а, анай? —
                                Котьма сярысь соку мон юалляй,
                                Люкетылӥ тыныд, люкетылӥ,
                                Нош тон ваньзэ пыр-поч валэктылӥд.
                                Пумен будӥ. Вуиз ни аресэ,
                                Мыным школа вӧлак усьтӥз ӧссэ.
                                Матысь бадӟым эше ке но луиз,
                                Тонэ, анай, ӧз вошты дышетӥсь.
                                Быдэ вуэм сярысь аттестатзн
                                Вуи Иже, пыри институтэ.
                                Профессоръёс но трос. Озьы ке но,
                                Верам кылыд татын но туж дуно.
                                Ачим ни табере дышетӥсько,
                                Классысь пиналъёсме визьнодасько.
                                Нош тынэсьтыд кенешъёстэ,, анай,
                                Мон котьку,
                                                       котьку юало на-ай.